أخبار عاجلة
أسعار الغاز في أوروبا تقفز وتسجل مستويات تاريخية -
B.C. health authority suspends pharmacy from COVID-19 vaccine program after syringes reused -
مقتل أكثر من 20 صيادا بغارة جوية في نيجيريا -

شعاع نور... سلم امرك !! / بقلم نور عبدالله -تورنتو

شعاع نور... سلم امرك !! / بقلم نور عبدالله -تورنتو
شعاع نور...  سلم امرك !!  /  بقلم نور عبدالله -تورنتو

اخبار العرب- كندا 24:  زمان لما كنت باسمع من أهلي و قرايبي وإحنا نازلين مصر في عطلة نهاية العام، إنهم كانوا بيحضروا أكتر من برنامج مشوّق لقضاء إجازة الصيف. ...حاجة كده زي الجدول .

طبعا كنا بنكون مسافرين طول السنة في دراسة و شغل وكنا بنستنى الإجازة دي كلنا من السنة للسنة.

فكان الجدول كالتالي: من اليوم كذا ليوم كذا  نزور بيت جدي و جدتي، ومن يوم كذا ليوم كذا نسافر الساحل الشمالي، والباقي نزور أقاربنا و أصدقاءنا دا  طبعا غير الخروجات والسينمات والمسارح طبعا .. 

كان كله بيكون متخطط و متظبط و مترتب له من قبلها. لكن لما كنا بننزل مصر فعليا مكناش بنقدر نمشي على الجدول دا بالظبط أوي كده،  كانت دائما تحصل حاجات تخلينا نغير شوية في شكل الجدول دا. 

الموضوع ده أخد مني سنين في تقبل فكرة... إن مهما كنت مخطط لشكل معين لقضاء أي فترة من حياتك أيا كانت .. طبيعي يحدث مايغير هذا التخطيط.!

اللي كان طبيعي وقتها إني كنت بتضايق شوية عشان الإجازة مش ماشية زي ماكنت راسمةلها في دماغي وأكيد مكنتش  سعيدة بالتغيير المفاجئ والغير متوقع اللي حصل لخطتي في قضاء إجازتي..

بس مع الأيام والسنين اتعلمت حاجة مهمة جدا و فرقت كتير في شخصيتي .. حاجة اسمها التسليم

ونصيحتي لكل الناس ابدأوا عودوا نفسكم و عقولكم على تقبل التغييرات الغير متوقعة التي تحدث في حياتنا. 

لان واحدة واحدة لو جيت تفكر أو تفكري فيها هتلاقي إن اللي حصل دا هو فعلا أحسن حاجة ممكن تحصل في الوقت دا وفي الظروف دي ... 

لم ولن يحدث إلا ماهو الأفضل لك والخير لك وإن لم يكن ذلك واضحا لك في فترة ما ،

فقط سلّم أمرك لصاحب الأمر..

فقط اقبل نظام و تشريع مالك الملك..

فقط ثق في تدبير المدبر.. 

رزقك موجود و محفوظ وإن لم تدرك ذلك بناظريك

وفي السماء رزقكم وماتوعدون ..

#spread_love

#spread_hope

#spread_happiness

#stay_safe

           #stay_happy   نور عبدالله/ تورنتو

 

 

 

التالى حكومات كندا تحت المجهر (101) / اماكن العبادة تتطلب دعما وليس فرضا للضرائب!- بقلم: صلاح علام - تورنتو - كندا

 
c 1976-2021 Arab News 24 Int'l - Canada: كافة حقوق الموقع والتصميم محفوظة لـ أخبار العرب-كندا
الآراء المنشورة في هذا الموقع، لا تعبر بالضرورة علي آراء الناشرأو محرري الموقع ولكن تعبر عن رأي كاتبيها
Opinion in this site does not reflect the opinion of the Publisher/ or the Editors, but reflects the opinion of its authors.
This website is Educational and Not for Profit to inform & educate the Arab Community in Canada & USA
This Website conforms to all Canadian Laws
Copyrights infringements: The news published here are feeds from different media, if there is any concern,
please contact us: arabnews AT yahoo.com and we will remove, rectify or address the matter.